Jowai, K’Lyngkot 20: Ka ophis u Deputy Commissioner, West Jaiñtia Hills District, Jowai ha ryngkat ka jingïatreilang bad ka ophis jong u District Sports Officer, Jowai kin pynlong ïa ka Republic Day Run & Run for Democracy – 2026 na ka bynta ki Shynrang bad Kynthei (Open Category), haka 26 tarik u Kyllalyngkot, 2026 haka por 7 baje mynstep.
Ïa kane ka jingmareh yn sdang kaweh ïa ka lama na Main Gate jong ka Kiang Nangbah Stadium (Starting Point) bad ïaid lyngba ka surok Ladthadlaboh (main road) – Kiang Nangbah College – Bypass – Jingkieng Myntdu – Amlarem Bypass – Stand War – Ophis D.C – New Hill – National Highway bad pynkut ha Kiang Nangbah Indoor Stadium. Ïa ka Spot Registration na ka bynta baroh ki Nongïashim bynta yn shim ha Kiang Nangbah Indoor Stadium, Jowai haka por 6:00 baje mynstep.
Na ka liang ka ophis u District Sports Officer, West Jaiñtia Hills District, Jowai ka khot bad wer ïa baroh kiba kwah ban ïashim bynta kiba dei napoh ka West Jaiñtia Hills District. La pynti ruh yn ai khusnam sha baroh ki nongjop ha ryngkat ki Trophy.
