Soi soskular ka tnat Industry ka sorkar bad ka Amazon ban pynïaid ïew ïa ki tiar na jylla

Shillong, K’ Lyngkot 18: Ka tnat Industry jong ka sorkar Meghalaya ha ka 16/1/2026 ka la ïa soi ïa ka soskular ïa sngewthuh jingmut bad ka Amazon bad kane ka long ka sien kaba nyngkong ba kin ïatreilang.
Kane ka soskular kaba la ai soi ka long ban die tiar ki tiar kiba la pynmih na kane ka jylla ha ka ïew jong ka Amazon, ha katei ka sngi kila don kumba 100 ngut kiba la ïadonlang kiba dei na ki kynhun shna tiar ïa kaba la hikai kumno ban die ïa ki tiar lyngba ka Amazon’s Karigar.
Na ka liang jong ka tnad karkhna ka sorkar jylla ka la pynshlur ïa ki briew ba don ïa ki karkhana pynmih tiar ba kin resgiter bad ka Amazon bad kin lah ban die ïa ki tiar jong ki lyngba ka ïew jong ka Amazon da ka jingïatreilang.
Na ka liang jong ka Amazon la wan ban mihkhmat da ka Sarita Tiwari bad na ka liang jong ka sorkar Meghalaya la mihkhmat da u Bah F. Sutgna Director ka tnad karkhana, ka Kong M. L. Wanshnong, Joint Director; Kong Daphiralin Kharjana, M.D. ka MHHDC.
Ki dkhot jong ka RAMP, SPIU bad kiwei kiwei ki heh kila kren ha kane ka jingïakynduh lang bad ïa ka soskular la soi hapoh ka kyrteng Raising and Accelerating MSME Performance (RAMP) ki skhim kiba la kyrshan lyngba ka MoMSME kaba dei ka bynta jong ka Meghalaya Handloom bad Handicrafts Development Corporation (MHHDC), kaba dei ka kompeni jong ka sorkar hapoh jong ka tnad karkhana bad kiwei kiwei ki jingdonkam.