Da ka BNSS pyntreikam u D M ban khang ïa ka jingthang dusmon ïa ki khlaw ki btap

Mawkyrwat, K’ Lyngkot 15: Hadien ka jingïoh jingujor na ki paidbah nongshong shnong hapoh ka South West Khasi Hills District ba ka la don ka jingthang dusmon ïa ki khlaw, ki jyntang, bad kiwei de kiba la wanrah ïa ka jingjulor kaba jur ïa ka mariang, kynthup ïa ka jingjaboh ka lyer, ka jingpynjot ïa ki jingthung jingtep bad ka buh jingma kaba khraw ïa ka jingim bad ki mar ki mata jong u briew.
Namarkata, u Bah B. Mawlong, IAS, District Magistrate, South West Khasi Hills District, Mawkyrwat, ha kaba pyndonkam ïa ki bor ba la ai katkum ka kyndon 163 jong ka Bharatiya Nagarik Suraksha Sanhita (BNSS), bad ha ka jingmyntoi ban ïada ïa ka jingim bad ki mar ki mata jong ki briew bad ban khanglad ïa kino kino ki jingjia ba sngewsih na ka jingduh ïa ki dieng ki siej, ki khlaw ki btap, ki kynbat, lane kino kino ki tiar kiba kum kita ha ki jaka khlaw bad ki jaka phlang, ki par bad ki kper, ki jaka thung jingthung, ki jaka ba rben, bad baroh kiwei pat ki jaka kiba kum kita kiba hap hapoh ka jingpeit jong ka South West Khasi Hills District.
Kumta, halor ka jingkyrkieh jong kane ka kam, ïa kane ka hukum la pyntreikam bad kan treikam mardor haduh ban da mih kiwei pat ki hukum.