Bteng ka jingbthah ka Hima ïa ki paidbah ban long kiba husiar ha Ïewduh

Shillong, K’ lyngkot 12: Namar ka jingbun ki kam shah kloh pla jong ki briew ki wan ïa thied ïa pet, ïa die bad kiba ïa wan na kylleng ka ri Khasi Jaiñtia sha Ïewduh bad ka dei ka ïew kaba khapngiah namar ka jingwan jong ki briew na kylleng sha kane ka ïew manla ka sngi.
La iathuh ba katba dang ïaid ki por ki sngi, ka jingdon ki nongkloh pla ha Ïewduh ka la dang jyllei bad ka jingkynthoh ka la leit sha kito kiba la kyrni ha ki kam dih drok bad ka jingshah kloh pla bad ka jingshah pajut ki mobile na kiba leit kala jia khah khah mynta ha Ïewduh.
Halor kane ka Hima Mylliem ruh ka la don la ki jong ki pulit ban ïaid pahara ha kylleng ka ïew ban pynthikna ba ki nongtuh nonglute kim dei ban ïoh lad ha ka jingdon ryngkat ruh ki CCTV camera, nalor kata ka jingwan ïaid pahara ki pulit ruh ban ïarap ïa ki pulit ha Hima Mylliem.
U Bah S. Nongkhlaw u ophisar ba dei peit ïa ka thanad jong ka Hima Mylliem ha Ïewduh u la ong ba ka hima jan man ka sngi lyngba ki kor jingpynsawa ka juh pynbna ban bthah ïa ki paidbah ba kin long kiba husiar ïa ka ïa pla pisa, ki mobile ba kin lait na ka shah tuh sha lute la kyntu ïa kiba wan ïew wan hat ba kin long kiba husiar bha ïalade.