Nongpoh, Nohprah 21: Da ki spah ngut ki paidbah mynta ka sngi u Blei kila hiar naki kali ban dem ngon ha surok ban khar bad tam ïaki dohkha kiba la shlei ha surok hadien ba kawei ka kali Bolero Pick-up kaba don ïa u number ML 10 D 2739 kaba dang hiar sha ki thaiñ Byrnihat kala kylla lyndang hapdeng surok haduh ba baroh kitei ki dohkha kila hap bad shlei ha surok bah National Highway 6.
Katkum ka jingtip bala ioh lum la ong ba kane ka jingjia kala jia haka por kumba 1:30 baje eiei ha 19 mer ha Ri-Bhoi District ha kaba katei ka kali kala kylla kynsan beit hapdeng surok bad haduh ban da thoh ïa kane ka khubor ym pat tip thikna ïaka daw tynrai bad u nongñiah u la lait thaw naka jingmynsaw.
Namar ka jingshlei ki dohkha ha surok kala wanrah ruh ka jingdheng kali ba shipor ha katei ka jaka bad bun naki paidbah kila hiar naki kali ban kem dohkha.
