Shillong, Nohprah 19: U Krishna Thapa u la phah ka jingujor ba ha ka 5 tarik mynta u bnai, u la shem ba ki runar bym lah ban ithuh ki la tuh haduh 8 tylli ki jumper bad 10G SPF kiba dei na u Tower jong ka Airtel uba la pynïeng hapoh ka shnong Ksehrynshang (WJH).
Ha kawei pat ka jingjia I/c Tikrikilla PHC (WGH) u la phah ka jingujor ba la lap ia 3 tylli ki syrnot sngi kha kiba dei ki duplicate na ki riew shimet.
U Atul Das u la phah ka jingujor ba ha ka miet jong ka 11 tarik mynta u bnai, ki runar bym lah ban ithuh ki la tuh ïa ka dumper truck jong u kaba don u nombar ML-05R-6791 na Rangku (EKH). Hynrei ha ka 13 tarik u Nohprah, ïa kane ka truck la ïoh bat da ki pulit ka Assam Police ha Barpeta, Assam, ha ryngkat bad 2 ngut kiba shong ha ka , kiba kyrteng u Pritam Biswas ba la 19 snem ka rta bad Tofiz Ali ba la 31 snem ka rta.
