Jowai, Nohprah 17: Ka jingai jinghikai ba lai bnai ïaki khynnah kyntei halor ka rukom ban ïoh jingïada ïalade (Self-Défense Training) ne kaba la tip da kawei ka kyntien ‘Rani Laxshmi Bai Atma Prashikshan’ ba la pynlong da ka Ophis District Mission Coordinator, SSA, West Jaiñtia Hills ha une u Nohprah kala pynkut noh ïaka da kaba sam ïa ki syrnot sha baroh ki nongïashim bynta.
Ïa kane ka jingai jinghikai la pynlong haki saw tylli ki skul kiba kynthup ïa ka Panaliar UPS SSA, Q.C. Springside Secondary School, Thadlaboh Presbyterian UPS bad ka R.C. Eve Mihmyntdu Secondary School.
La pynïaid ïa kane ka jingai hikai daka West Jaiñtia Hills Karate Do Association (WJHKA), Jowai hapoh ka jingpeit u Kevy Manbha War Passah, Instructor, Ribeit O Pde, Instructor bad u Patsha Chyrmang Asst. Instructor.
Ka West Jaintia Hills Karate Do Association (WJHKA), Jowai ha ka jingïatreilang bad ki bor pynïaid skul kila pynkut noh ïa kane ka jingai hikai ha kane ka taiew ba nyngkong jong u bnai Nohprah, da kaba aiti ïa ki syrnot sha ki khynnah kiba la pyndep ïa ka jingshah hikai (Self-defence Training).
Na ka liang ki khynnah kiba la dep ban shah hikai kila pyni ruh ïa ka Demonstrate halor ki jingtip bala ïoh jinghikai, da kaba leh haka dur ka Exercise bad kiwei de ki rukom kiba long ki lad jingïada na ki riew sniew kiba thmu ban shim kabu ïa ki kynthei khynnah.
Baroh ki Headteacher jong kitei ki skul kila pynpaw ka jingsngewnguh ïa ka ophis District Mission Coordinator, SSA West Jaiñtia Hills bad ïaka West Jaiñtia Hills Karate Do Association da kaba kyrmen skhem kum kane ka lad jinghikai kan dang ïaibteng haki sngi ban wan naka bynta ka jingmyntoi jong ki khynthei khynnah kiba don ha ki jaka pule.
