Shillong, nohprah 04: Ka Shillong Sports Association hynnin ka sngi Palei (04 tarik Nohprah, 2025) ka la pynlong ïa ka jingïalang sngewlem hadien ka jingkhlad noh jong u Bah RAM Lyngdoh uba dei u Vice-President barim ka synjuk.
U Bah RA Lyngdoh, uba la khlad noh hynnin ka jan miet sngi Palei, u la long u briew uba pawkhmat bad la ju ïohi ïa u barabor ha ki jingïalehkai phutbol ka thaiñ.
Halor kane ka jingkhlad noh u Bah RA Lyngdoh ka SSA hapoh ka jingïalam jong u President jong ka u Bah Banteidor Lyngdoh MLA, ka la pynlong ïa ka jingïalang sngewlem ha ophis treikam jong ka synjuk ha ka janmiet jong ka sngi Palei, ha kaba la ïadon lang ki Vice-President ka SSA, u Assistant General Secretary, u Treasurer bad ki dkhot ka council.
