Jop u Mebansainborlang bad ka Phyrnai Kyndait haka Marathon ba pynlong ka NPP Iawmusiang Unit

Jowai, Nohprah 01: Shi bynta ban ïakhun pyrshah na u Drug, ka NPP Iawmusiang Unit mynta ka sngi kala pynlong ïa ka jingïakol mareh Marathon kaba la tip kum ka Cross Country “Run–Say no to Drug”, kaba la sdang na Thadlaskeiñ (Lake) bad pynkut ha Chutwakhu Jowai madan Jrisaleiñ Basketball Court.
Ki nongjop ha kane ka marathoh ki long kumne haka liang ki shynrang la jop 1st Prize da u Mebansainborlang Pathaw, wan ba ar 2nd Prize u Dabit Dkhar bad balai 3rd Prize u Teiboklang Biam.
Haka liang ki kynthei la jop 1st prize da ka Phyrnai Kyndait, 2nd prize ka Jidalin Tympuiñ bad balai 3rd prize ka Mary Queen Pale. Kumjuh ruh la sam mar 7 Hynñiew ngut haka liang ki kynthei bad shynrang haka Consolation Prize.
Na ka bynta ka khusnam ba nyngkong ka long 10,000 hajar tyngka, ba ar 7,000 hajar tyngka, ba lai 5,000 hajar tyngka bad mar 1,500 tyngka sha kiba ïoh Consolation. Ka khusnam sha ka nongïashim bynta ba heh duh haka rta la ïoh daka Romika Pyrtuh, katba ha ka liang ki khynnah rit la ïoh da ka Na I Saka Kyndait kiba ïoh mar 2,500 tyngka.
Ïa ki khunsnam sha ki nongjop la sam ha ryngkat ka jingdonlang u Waheh Shnong ka Mihmyntdu u ma Abul Phawa, ma P. lyngdoh Waheh Shnong Chutwakhu, lem bad ki nongkitkam ka NPP Iawmusiang Unit bad kiwei de ki nongkitkam ka NPP.