Jowai, Naiwieng 26 : Ka 26 tarik u Naiwieng ka dei ka sngi kyrpang ïa kaba la tip kum ka ‘Constitution Day’ jong ka Riti treikam jong ka Ri India ne ka (Samvidhan Diwas).
Na ka liang ki skul bapher bapher hapoh ka West Jaiñtia Hills District shi bynta na kane ka sngi kyrpang, ki khynnah skul bad ki nonghikai kila shim bynta lang haka ban pule ïaka Preamble.
Ki nonghikai hashwa ban pule ïa ka Preamble kila ai jingkren bad pynsngewthuh shaphang ka Indian Constitution, da kaba kynmaw burom kyrpang ïaka kyrteng bad ka nam jong u Dr. BR Ambedkar uba long uwei na ki nongïalam jong ka Drafting Committee.
Ka thong ban pynlong ïa kane ka prokram ka long kum shi bynta ban ai jingtip sha ki khynnah skul bad kumjuh sha ki paidbah nongshong shnong shaphang ka Riti treikam ka Ri, kumjuh ruh kaba long ruh ka sngi kynmaw burom ïaki dkhot ka Drafting Committee bad ka jingpynsngewthuh ïa ka hok treikam (rights-duties) kum ki nongshong shnong ka Ri.
