Kong Sweetymon Rynjah
Kum ka kynmaw sngewnguh, ka Mat-tithoh ba la pynnoh. ‘Bam kwai’ ha Dwar U Blei, ba phin nang ïoh, kumta, na nga kum ka Nongthoh, khnang ba ki hep barit jong ngi, kin ïa ïoh lang baroh, ma nga kum ka Nongthoh, nga la sngewdei ban ai ailem shaphi ki hep barit ïa ki katto katne ki ktien khasi kiba u to u Myllung ha Ri jong ngi u thoh u pruid ha i kitab ‘Duitara Ksiar,’ ba dap shlei miar jong ka ktien khasi bad ki jingmut ba ngin ïa ngam pyrkhat ïa ktienkhasi- ka ktien i Mei jong ngi, ba kan kiew shong ksan, ban im ban sah ki Hok, lang ka Jaidbynriew. Wan bud pynlong pat sa ki ‘Deiti’, kata, kamram na ngi kum ki khasi. Sa kawei pat, ka Dei-Riti, kaba shong ksan kum ka ruid Lyngtyrwiang ka shynrong khliehjong ngi.
Kynmaw, horkin hordang- kata long sa kumno-kumno, ne wan hap jia kaba kum kano kano ngim bit satia ban leh kano-kano ka ban pynhiar dor ne ba kiwei kin ym lah thombor-lehbor, pynduh pyndam, hynrei ngi don la kamram ban sei kyntiew ïa la kyrdan ka jaitbynriew. Da kumta kein im ki Hok jong ngi bad sah ki Dei-Riti ha la ka long Jaitbynriew tang long jong ngi… Kumta, ka pule puthi jong ngi ka don ruh la ka thong ba ngin ieit shuwa la ka jong kata ka ktien khasi- ‘ka ktien-i-Mei jong ngi.
Kum ban ïa byrshem jingmut lang bad phi, nga la sngewdei ban ïa mir soh tyngkoh lehkai jong ngi, ïa kata, kaei-kaei ka ban ïa ïoh lang baroh. Kumta, kum ban ïarap lem shaphi to ngin ïa pule, shem sngewthuh ktien khasi, kum kine ki symboh ktien harum, ‘Na ki Phawer’ ‘Duitara ksiar’- (Phawar)
‘Shi kit, ïa par -ne shikit ïaid par – Ka thew ai jingmutbataipynshai kum ka jingkhia uba kit bad ka lynti ïaid kjat kaba riat bad rit haba peit nalor riat.
Ka paw kum ka ïaid par pyllup ki khyllung ba ban khia ka jingkit bad ba long thmit ka lynti kiew thiep longriat Siew ha iew – Kata ban ïoh pisa ban thied ïa ki mar ba donkam haing hasem ha ki sngi longiew ne hat kum ka mluh, shini kiwei ki bym don bad pynmih na la ka Ri Suh ‘Khariew – Kata ban suh ha u thrisiej ïa ki dohkha, barit ban suk ka buh, ka rah, ha jaka die ne basa iew, bad ki nongthied ‘Klum sah – ‘poh ha nep’ – Ka ktien khasi kaba mut ban kyllain la ka nep kupthiah, ban da thiah tam por na kaba la dei ban khie, ban lait jingkhriat, kum ka Noun, kum ka Adjective pat ka mut ‘Nep’ ïa ka tiar nar kaba la shut ban long tiar ot, ka tari, ka wait, u sdie bad kiwei ‘Ai nep ka ksew’- Ka ktien pynkiew kyrsiew jingsngew ne pharshi syllok ktien jaituh ne ka jingmlien khie step ban koit khiah krat ka longmet ban ïoh ka met ba mlien blah shah jingkhriat Khuid- ka Tngit – Kata, haba sum ba sleh bad pynkhuid long met la jong ngi ïoh ban sait ïa ki pum-pum barit na l aka khlieh ka longmet bad ngi long mlien bad sngewtynnat ha la ka jingmut jingpyrkhat bad ba sum ban sait ka pyllait ruh ïa ki jingpang snieh doh na ki phngit pum-pum barit kaba ka met ka kit baroh jaboh Leit-kloi-lan – Kata haba khreh leit shano shano, ym dei ban da pynslem por leit
Wan bran-bran – Ka dei ban long kumjuh ruh ha ka por wanphai naba leit sha la jaka shong ne shalaiing, ban ym pynslem lut por ban mih ne pynslem-pynlat ban mih bad wan ne leit Shet ja kai – Ka rukom ïalehkai ki khynnah kynthei ha ka dur bad sur jong ka longing longsem khasi jong ngi. Kane ka la kylla ruh kum ka kren syllok pharshi jingong, ha ka jingmut khasi, ha la kiba la san, ki pynsyrwa bad leh thala jingmlien, ba sniew bym bha la shynrang ne ki kynthei ki ailad pynmlien bad bym ïadei, khamtam, ki nuksa nongwei, khlem sngewthuh jingpynhap ïadei, ei ym bad na la ka thymmei, kum ka leh shet khunjakai ki khynnahrit kynthei jong ngi. Ka ktien khasi ka la pharshi ïa ka jinglongbym bha, bymbeit. Ïa-mai – Ka rukom ïa ka jia ktien jong ngi kaba pynmih jingkren ïa ka jia pynlah ktien, kaba pynkiew sngewsih jakhlia ban sngap bad ïa pynkhein akor ktien ban kiew sha ka ïashoh ïa shun ïa pen para briew ïasoh ïadat.
Wong – Ka sawa sur her khniang barit jong u ngap
Wung – Ka sur sawa her khniang baheh kum u kyieng U sning-u stab – U kynja dieng ba mih sha khlaw kum u sohot khjlaw barit bad eh kum u Diengsning Suh wia – Kata ka jingher ba beit ba sted eh jong u sim khlieng sha khyndew kaba u la mut la thew ban ïoh rong ne rah kum i khunsyiar ba beit siak kaba balairuh kum ka jingsted bad beit jingher ba la don jia dei jingmut bad ka ktien ‘wia’ Ia leit-tan – Ka lynnongktien ba ai jingmutbatai, kum ka ban elitshawlynti bad ïoh wan ingkhamsted bran-bran
Bam-hynroh u Bnai – Ka jingkahdum ka syrngiew ka pyrtheijong ngi ïa u bnai ha suin kaba kahdum ïa jingshai u bnai, kaba ki khasi ki khot ‘hynroh’
Sih sohriew – Kaba shrutriew-hadem ka khnai na u tyllongriewhadem ba pynmih sur shrip-shrop, h aka jingriewïohsngewsohriew ka mut u riew-hadem ba buh-sien ha sad jong ka ing, ban long symbai ban thung Tied tyrnem – Kata ban shoh da u tyrnem, halor u nar uba la thnag saw ha ding halor uwei u rniangnar ba la pynshah ban ïoh pynwan dur sha ka dur ba la kwah ba un long ka dur wait, nar khap shiah bad dur tiar ot- tari, wait side bad kiwei
Shata-tekhliaw – Kata ka jingepitkhmat ka miawkabakhem khap brip ne pynphai liang jingpeit ïoh ban ym ïoh dait ïoh kem ïa ikhnai ba la pynmut da ka ktien ‘kliaw-khlemkhapbrip ne phai liang jingpeit
Ka leit-noh-thiaw – Kata ka jingleitphai noh ka miaw ba ap thap kem khnai ka la long jingbym ïoh kem bad raikut leitphai noh na ka jaka ap thap ba slemjong ka, kata ban da leitkhlemkylladien, ne wanphai Bam-kyrngaid – Kaba bam satah bad pynphriangsatah-jabohpynjakhliah da ka rukom bam kaba pynïoh ïa ka adverb khasi-kyrngaid
Ha ban da ngiah-kata – Nalor ka bam pynbun jiahthngan ban da ym kwah bam shuh kumba thngan palat, lane kum ba ïoh tuh bam tuh ka miaw- ka ktien bad pynhap kynnoh sur ba kit jingmut jong ka pyrkhat khasi ha ki symboh kyntien iadei iasnoh, pynkynmaw ruh ïa ki jingmut ba don bad ki kyntien
Jew-mynsiem – Kata ka jingbym sngewhun sngewsuk ka long miaw bym ïoh bam khnai, kumba long ka rukom longmiawjong ka laduh ka kmen sngew miaw, sa kiew bymhun Mynsiem ne jingbymsngew hun longmiaw kum ba thaw u long Blei ha slapyrthei
Kber -Ki jaitkruin ba lieh par khyndew bad sei thapbniang ban kyllakhniang sei thapniang sber ban her na ka thymmei long kruin ba par thliew na khyndew ba ju mihhadien kaba la rang slap por liyiur, kiba bam ki sim ki doh, bad ki dohkha dohpnat.