Nongpoh, Naiwieng 18: U VS Rathore Senior Superintendent of Police, Ri-Bhoi District, Nongpoh u la pyntip ba ha ka 16 tarik mynta u bnai ha ka por kumba 10:00 baje eiei mynstep la lap ïa kawei ka met ïap shynrang bym lah ban ithuh (ba la antad ruh ba dei u Hindu) ba la thiah lyngktar ha HP Petrol Pump, kaba don ha 11 mer Khanapara, Ri Bhoi District.
Na ka liang ki pulit mardor ki la leit ban pynlong ka jingtohkit bad hadien ba la dep peit bñiah ïa baroh ki kyndon aiñ la pynkynriah noh ïa ka metïap sha jaka buh metiap ha Civil Hospital Nongpoh na ka bynta ban leh ïa ka Post Mortem bad ban ithuh ïa ka metïap.
U tei u rangbah u don ruh kumba 5 phut ka jingjrong ba la antad ruh ka rta kaba 50 haduh 60 snem, ka durkhmat ba dum bad jrong, ka khmut kaba nep, ka met ba kham rai khoh bad phong ruh ka patlun rong dpei, ka sweat shirt ba khleh rong bad ka dak thang ha ka kti kadiang.
Na ka liang u Sr. SP u la kyrpad ruh kino kino kiba don jingtip shaphang utei u rangbah ba kin phone sha Police Control Room (PCR) Nongpoh, ha u number 9856084514.
