Nongpoh, November 16: ka Central Agricultural University (CAU) Imphal ha ka sngi Saitjain ka la sdang ïa ka 9th nter-Collegiate Youth Festival-cum-Games & Sports Meet 2025 ha Post-graduate Studies in Agricultural Sciences (CPGS-AS) Umiam.
Kane ka tamasa jong ki samla ba kynthup ïa ki jingïalehkai sports bapher bapher la pynlong ha ka jingïalam lynti u Dr. Anupam Mishra, Vice Chancellor, ka CAU, Imphal kaba la sdang ha ka 15 tarik u Naiweing bad yn pynkut noh ha ka 17 tariku Naiwieng 2025;
Ha kane ka jingplie pyrda ïa kane ka tamasa ki samla bad kynthup ki tamasa jong ki jingïalehkai sport bapher bapher la sakhi da ka jingshim bynta lang jong ki samla pule, ki nonghikai bad ki nongmihkhmat na ki 13 tylli ki shnat treikam hapoh ka CAU Umphal.
Ïa kane ka Youth Fest cum games & Sport meet 2025 la wan ban plied a u Dr. Arun Kumar Sarma, Director General, NECTAR, DST, Govt. of India ha ryngkat ka jingdon lang u Prof. Indira Sarangthem, Director of Instruction, CAU Imphal, Padmashree ka Kong Trinity Saio, Dr. Puranjan Das ,Former DDG, Agri. Extension, ICAR, New Delhi), bad u Dr. Ashok Kumar Singh u VC, RLBAU, Jhansi.
Haba ai jingkren ha kane ka sngi u Dr. Anupam Mishra, Vice Chancellor, CAU, Imphal u la ban khia ba ka jingpynlong ïa kane ka tamasa ki samla ka dei shi bynta ban pynpaw ba ki samla ki don ka bynta kaba khraw ban saindur na ka bynta ki kam kiba bha ha ki liang baroh, ha ka jinglong nongïalam, ka jingïatrei lang kaba donkam kata ka jingïatylli ban kyntiew shaphrang ha ki liang baroh ha ka imlang ka sahlang.
Kane ka 9th Inter-Collegiate Youth Festival-cum-Games & Sports Meet kan pynlong ïa ki jingïalehkai ki bapher bapher naduh ki Indoor bad outdoor sports bad kiwei kiwei ki jingïakop kiba ai mynsiem ïa ki khun samla ban sei madan ïa ki sap ki phong ba ki don na ka bynta ban wan rah ïa kataka jingïatylli lang ban tei ïa ka imlang ka sahlang.
