Hadien ka jingud ki paidbah leit jurip ka JSU ïa ka kali 108 ha Jaraiñ PHC

Jowai, Naitung 04: Ka Jaiñtia Student Union (JSU) War Jaiñtia Circle mynta ka sngi ka la leit ban jurip ïaka kali 108 kaba don ha Amlarem Sub-Division hapoh ka Jaraiñ PHC. Ïa kaba ka seng kala dawa pynïoh 108 naduh u snem 2018 hadien ba la kynriah noh ïaka kali 108 na Amlarem Sub-Division ha u snem 2014.
Kane ka jingdawa ka seng ka lah urlong hadien ba ka sorkar bad ka GVK ki lah ban pyn poi ïaka kali 108 ha Amlarem Sub-Division ha kine ki khyndiat bnai ba lah dep.
Ban pynjanai shuh shuh ïaka jingtreikam ka kali 108 kaba kit ïa nongpang na ka thaiñ War Jaiñtia ki dkhot seng ki la leit ban jurip hi dala ki jong ki khmat hadien ba la ïoh ïa ka jingud jingnam jong u paitbah ka thaiñ bad la lap shisha ïaka jingduna ka rukom treikam bad ka jingai shakri ka kali 108 (Ambulance).
Na ka liang ka la lap shisha ba dang duna ki nongtrei lane ki nongsumar nongpang jong ka GVK ha Amlarem Sub-Division bad don ruh ka khep ba ka kali Ambulance 108 la hap ban shu set da ki taiew,
Kumta ka seng ka dawa mardor naka GVK bad na ka sorkar ban pynbiang ïaki nongtrei jong ka 108 hapoh Amlarem Sub-Division, khnang ban nym dkhoh ka jingai jingshakri ka kali 108 sha u paitbah ka thaiñ Amlarem Sub-Division.