Jowai, Naiwieng 13: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 13 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Youth Cultural Sohmynting kala lah ban pynliem da 2-1 kol ïaka Nangbah Mulang, ïa ki kol naka Sohmynting CS la thep da u Kyrshan Sumer haka minit ba 10 & 54. Katba ïa ka shikol na ka Nangbah Mulang la thep da u Dawanlangki Susngi haka minit ba 21.
