Shillong, Naiwieng 11 : Kum shibynta ban rakhe lehkmen ïa ka jingdap shispah (100) snem ka Shnong Mawkyrwat kaban sa ïoh ban pynkut noh mynta u snem ha u bnai Nohprah, 2025, na ka liang ka Seng Samla Shnong Mawkyrwat kaba hapoh jong ka South West Khasi Hills District ha ryngkat bad ka Mawkyrwat Sporst Association ki la ïoh ban pynlong ïa ki jingïalehkai bapher bapher kiba kynthup ïa ka jingïalehkai Football, Badminton, Basketball, Cricket, bad ïakop jngi-um.
Ha kine ki jing ialehkai bapher bapher ka seng Samla Shnong ka la ioh ban pynkut noh ïa ki jingïalehkai mynta ka taiew bad ka la long shit, kaba iaid beit iaid ryntih ha ka jingiadon lang u bah Ktborsing Lyngdoh uba dei u President ka Seng Samla Shmong Mawkyrwat bad u bah Elevenson Wanniang uba dei u Ex-President MASA kum u Kongsan ha ryngkat ki nongkitkam ka Seng Samla Shnong bad ka MASA.
Ha ka jingïalehkai Basketball jong ki Shynrang hapdeng ka Dong Riathawlong bad Dong Photsait tympew lajop da ka Dong Riathawlong da 60 Basket la 55 Basket.
Nangta, ha ka jingïalehkai Cricket jong ki Shynrang la jop da ka Dong Mawbynna pyrshah ia ka Dong Mawkremsyiem da 27 run bad ha ka jingïalehkai Football la jop da ka Dong Mawbynna pyrshah ia ka dong Mawkremsyiem da 1 – 0 kol ba lathep da u Davidkupar Wanniang ha ka jingïalehkai jong ka kyllamiet.
La pyniaid ia ka jingsam khusnam da u Samla Afterson Wanniang uba dei u Secretary ka Mawkyrwat Sports Association bad la ioh ban sam ia ki khusnam da u kongsan bad u bah B.S. Marbaniang.
