Shillong, Naiwieng 11 : Kum shi bynta ban kyntiew ïa ka jingïalehkai Cricket ha ka jaidbynriew Khasi, ka Sports Committee jong ka Khasi Student Union (KSU) kan pynlong bïang ïa ka Maitshaphrang Khasi League T20 Cricket Tournament 2025.
Kane kan dei ka wat ba lai lane ka 3rd Edition Maitshaphrang Khasi League T20 Cricket Tournament. Ïa ka Cricket Tournament yn pynlong naduh 08 tarik haduh 20 tarik Nohprah mynta u snem.
Kane ka Tournament kan plie lad ïa baroh ki samla Khasi kiba thrang ban kiew ha ka jingïalehkai Cricket bad yn ailad kyrpang ïa ki khynnah ba dang hapoh 19 snem bad 23 snem ka rta.
Ïa Maitshaphrang Khasi League T20 Cricket Tournament yn pynlong ha 5 tylli ki madan ïa lehkai kata ha Urkaliar, Lawsohtun, Nongsder, Laitkor bad Polo.
