Jowai, Naiwieng 05: Ka R.Shkenshynriah SC bad ka Sutnga SSCC ki la jop ïa la ki jong ki jingïakhun jong ka lympung Super Division Football Tournament-2025, kaba la tip kum ka 5th Kyrmen Shylla Contribution Trophy, ba la pynïaid daka East Jaiñtia Hills District Football Association (EJHDFA), kiba la long ha ka sngi Balang, 05 tarik u Naiwieng, 2025 ha madan Artificial Turf, Diengshynrum, Khliehriat.
Ka Rymbai Shkenshynriah SC kala jop da 3-1 kol ïaka Dhana CSC ha ka jingïalehkai kaba nyngkong. ïa ki kol naka R.Shkenshynriah SC la thep da u Goldenson Japui (43 & 58) bad u Sumar Bareh (61’). Katba ka shi kol jong ka Dhana CSC la thep da u Rimonlang Sumer (67’).
Ha ka jingïakhun kaba bud ka Sutnga SSCC kala pynliem noh da 4-1 kol ïaka Chiehruphi SYWSC. Kiba la pynkhihjar na bynta ka Sutnga SSCC ki long u Ker Syrti (13’), u Sauni Phawa (14’), u Niponghi Sumer (75’) bad u Deligent Pdang (89’). Katba ïa ka shikol na ka Chiehruphi SYWSC la thep da u Regency Lapasam (37’).
La pyntip ba ka Rymbai Shkenshynriah SC kaba la jop lai sein bad ïakhiad tang shisien, katba ka Sutnga SSCC ka lah jop lai sein bad liem tang shisien.
