Jowai, Naiwieng 03: Ka Hynñiewtrep Integrated Territorial Organization (HITO) Jiañtia Hills kala phah ïa ka kyrwoh sha ka NHAI halor ka jinglap jong ka seng ïa ka rukom pyrtrei torti ïaka surok National Highway-6 naduh ki bynta ka West Jaiñtia Hills ter ter shaduh East Jaiñtia Hills District.
Na ka liang ki nongïalam ka seng naduh u President ka Jaiñtia Hills u bah Burom Dkhar, u bah Khiejoit Niang u President HITO Lakaseiñ Block Circle lem bad ki dkhot. Kila pynrem jur ïa katei ka rukom pyntrei surok ka NHAI, haiden ka jingleit hiar jurip hi dalade ha ki bynta ka surok 7-Mer sha Ialong West Jaiñtia Hills.
U President Bah Burom Dkhar ula ong lyngba kane ka surok ki paidbah ki ïoh shibun ki jingmyntoi haka leit ka wan bad kan pynsuk ruh ïa kamai kajih jong kiba bun ba lang, hynrei da ka jingtrei torti ka NHAI kala wanrah pynban ka jingshem jynjar ïa ki paidbah. Ula ong ruh ka jingsniew jong kane ka surok NH-6 kala wanrah ïa ki jingjia accident ba khah khah sha kane ka thaiñ.
Kumta ka HITO ka dawa jur ba ka NHAI ka dei ban pyntrei khambha ïa une u surok khnang ban suk ka leit ka wan ki paidbah, na ka liang ka seng kala maham jur lada ka NHAI kam leh ban pynbiang ïa ka surok da kaba bha, kum ka seng kan sa shim syndon da ki sienjam ba kham tyngeh.
