Shillong, Naiwieng 03: Ka Nongkseh SC ka la bteng ïa jingjop ba paka jong ka ha ka lympung First Division Football League 2025 jong ka Shillong Sports Association, da kaba pynliem noh da tang 1-0 kol ïa ka Nongthymmai SC ha ka jingïakhun hynne ka sngi Nyngkong ha madan First Ground-SSA Stadium, Polo.
Hadien ka jingïakhun kaba khlem kol ha ka kylla step, ka Nongkseh ka thep ïa ka nam tam lyngba u Mebankhraw Wahlang ha ka minit kaba 83 ban khur ïa ka jingjop, kaba la jlan mynta sha ka 7 sien ïalehkai ha kane ka samoi.
Ha ka jingïalehkai kaba bud ka Mawtawar SC ka la pynliem ïa ka Pohkseh da 2-1 kol. ïa ki kol na ka bynta ka Mawtawar la thep da u Nikrak Sangma (12′) bad u Aldo Mac Nongneng (73′), katba ka shi kol jong ka Pohkseh la thep da u Wanlambha Kharpran (29’).
Ka jingïalehkai ha kane ka sngi kan long hapdeng ka MLP FT pyrshah ïa ka Ryntih SC, ha ka por 1:15 baje nohphai sngi.
