Dawa ki Contractor na ka tnad PHE ban siew noh ïa ka Bill ba la dep trei ia ka skhim JJM
Shillong, Risaw, 29: Ka Meghalaya State Council of Contractors & Suppliers Welfare Association (MSCCSWA), mynne ka sngi ka la aiti da ka dorkhas sha u Chief Engineer jong ka tnad Public Health Engineering (PHE) ka Sorkar Jylla da kaba dawa ban pyllait noh mardor ïa ki jingsiew kiba dang sahteng na ka bynta ki kontraktor trai ri kiba don bynta halor ki kam ba la dep pyntrei bad bym pat siew bill lyngba ka skhim Jal Jeevan Mission la bun snem mynta.
Ka jingïeng ban mih shakhmat lyngba ka association ka long halor ki jingeh ha ka liang ka pisa tyngka kaba ki kontraktor ki la ïakynduh namar ka jingpynslem ha ka rukom ban siew bad kaba la wanrah haduh ban pynsangeh ïa ka jingpyntreikam ïa kiba bun ngut halor kiwei pat ki project tang namar ba ka la ktah ïa ka jingim jongki ba bun khamtam ïa la ki jong ki Kontraktor trai ri kiba don ban treikam hapoh la ka jong ka Jylla lyngba ka tnad PHE Department da kaba la ithuh ïa ka jingkhia jong kane ka mat halor ki kam ba bun.
Ka seng ka la pynbna ruh ïa ka jingthmu jong ka ban phah ïa kane ka jingthoh sha u myntri sorkar ba dei peit ïa ka PHE, u Shri Marcuise N. Marak, bad kumjuh shaduh u Myntri Rangbah ka jylla Meghalaya, u Shri Conrad Sangma, na ka bynta ban shimkhia mardor bad pynbeit ïa ka rai halor kumno ban pynsted ïa ka rukom treikam jongka Sorkar na bynta ka imlang sahlang kaba long ka bynta ka jingdonkam jong kiba bun balang bad ban pynsted ban pynthikna ïa ka jingbteng jong ki project pynbiang um kiba kongsan halor ka jingmyntoi jongki paidbah.
Ka seng kan buddien bha ïa ki jingjia kiba kumne bad kan pynlong ïa ka jingïakren bad ki heh sorkar ban ïada ïa ki jingmyntoi jong ki kontraktor bad ki paidbah trai shnong halor kiba bun ki bynta kiba ïakynduh khlem da buh jingeh man kapor.
Ki Nongialam ba la leit ban iakynduh kilong Bah Banshai Marbaniang (President – MSCCSWA) Bah Pynsuk Nongkynrih (Vice President MSCCSWA) Bah Rofello Khongwar (Secretary MSCCSWA) Bah Amos Wahlang (Organising Secretary MSCCSWA)