Jowai, Risaw 26: Ka Sutnga SSCC bad ka Diengshynrum SC ki la jop ïa la ki jong ki jingïalehkai jong ka lympung phutbol kyrdan Super Division 2025, kaba la tip kum ka 5th Kyrmen Shylla Contribution Trophy, ba la pynïaid daka East Jaiñtia Hills District Football Association (EJHDFA) kaba la long ha ka sngi saitjaiñ, 25 tarik u Risaw, 2025 ha madan Artificial Turf, Diengshynrum, Khliehriat.
Ka jingïalehkai kaba nyngkong ka Sutnga SSCC kala pynliem noh da 4-0 kol ïaka Shilliang Umshong SC. ïa kitei ki kol na ka Sutnga SSCC la thep da u Ker Syrti (6’), u Rihokme Tyngkan (10’), u Sauni Phawa (58’) bad u Jeffrey Surong (90+1’).
Nangta ka Diengshynrum SC kala jop da 3-1 kol ïaka Ladrymbai-B SC. ïa ki kol na ka Diengshynrum SC la thep da u Leki Dkhar (4’) bad u Rumi Lyngdoh (18 & 36’). Katba ïaka shikol na ka Ladrymbai-B SC la thep da u Mihsalan Suiam (87).
Ki jingïalehkai kin wanphai biang ha ka 28 tarik Risaw, ha kaba ka Thangskai Tiger SC kan aireng pyrshah ïaka Chiehruphi SYWS, bud sa ka Dhana SC pyrshah ïaka Diengshynrum SC.
