Shillong, Risaw 24: Ka Meghalaya Cricket Association ka la jied ïa ka kynhun kaba don 25 ngut ki nongïalehkai katkum ka jingai jingmut jong ka komiti jied ïa ka kynhun ki kynthei ba la kham rangbah na ka bynta ka samoi ïalehkai 2025-26 jong ka BCCI.
Ka jingjied ïa kane ka kynhun kaba lah ban mihkhmat la pynshong nongrim da kaba bishar bñiah ïa ki nongïalehkai haki prokram pyrshang (trial) ba la pynlong dang shen bad kumjuh ruh katkum ka jingtbit jong ki ha ki lympung ïalehkai jong ka BCCI ha ka samoi 2023-24 bad 2024-25.
Ka MCA kan sa pynlong ïa ka bynta kaba ar jong ka prokram pyrshang (2nd phase Trial) na ka bynta ki nongïalehkai kiba la shah kynthup kyrteng naduh ka 27 haduh ka 31 tarik u Risaw ha Nongkhrah, Nongpoh, bad hadien nangta kan bud sa ka prokram pynkhreh.
Ka lympung ïalehkai U-23 Women’s T20 Trophy kan dei ka lympung kaba nyngkong na ka bynta ka kynhun ïalehkai ka Meghalaya, ka ban sdang naduh ka 24 tarik u Naiwieng.
Ki thei ïalehkai kiba la paw kyrteng ha kane ka thup ki long:
Ankita Sharma, Monica L Phawa, Indariakor Kharwanniang, Rikmanchi M Sangma, Dubleen Nengnong, Evanki Passah, Suriti Kumari Ray, Sara D Kharbani, Neelam Roy, Blaridahun Dkhar, Chandani K Sahani, Mansi Anand, Fullnessy Mawlong, Ritreki Pohshna, Janika Marak, Jaylynn Marak, Pilika Marak, Abiezer K Syiem, Dianchidora Sangma, Aanchal Singh, Monycable Marbaniang, Sistilin Ryntathiang, Smillin N Sangma, Darisha Wahlang, Bameida Wankhar.
