WJDSA: Khur jingjop ka Carpe-Dien haka 1st Women League, ïakhaid ka jingïakhun ha ka 1st Division

Jowai, Risaw 23: Ka lympung ïalehkai phutbol jong ki kynthei kaba la tip kum ka “1st Women League Football Tournament 2025 bala pynïaid da ka West Jaiñtia District Sports Association, (WJDSA) Jowai kaba la long hynne ka sngi Palei, 23 tarik u Risaw ha madan Kiang Nangbah Stadium Dongmihsngi Jowai.
Haka jingïakhun jong ka 1st Women League ka Carpe-Dien kala jop da 3-0 kol ïaka Sabahmuswang, ïa kitei ki kol naka Carpe-Dien la thep da ka Daphi Dkhar haka minit ba 24, ka Elizabeth Thianglai haka minit ba 28 bad ka Baiarbha Nongrum haka minit ba 51.
Haba phai pat sha ka jingïalehkai kaba bud kaba long ha ka kyrdan 13th Chatister Kharkongor Memorial Trophy 1st Division Football Tournament-2025 kaba la long mynta hi ka sngi, kila poi sha ka jingïakhaid da mar 3-3 kol hapdeng ka Dulong FC pyrshah ïaka Madan Thadmuthlong.
Ïa ki kol na ka Dulong FC la thep da u Iasanlang Dohling haka minit ba 14 & 38 bad u Sahame Lyngdoh haka minit ba 75. Na ka liang ka Madan Thadmuthlong la thep da u Phermi Suchiang haka minit ba 30 bad u Nehlang Suchiang haka minit ba 66 & 87.