Pynhap lama ka Jingïaseng Khynnah JCES Balang Presbyterian Mawkhar ïa ka jingrakhe dap 125 snem

Shillong, Risaw 19 : Ka Jingïaseng Khynnah Junior Christian Endevour Society (JCES) jongka Balang Presbyterian Mawkhar ka la khylliap lama mynta ka Sngi U Blei ïa ka jingrakhe dap 125 snem jongka kaba la sdang naduh 20 tarik u bnai Risaw 2024 bad kut mynta ka 19 tarik Risaw 2025.
Ha kane ka jingrakhe ba shisnem lynter ka JCES Mawkhar ka la ïoh ban pynlong ïa shibun ki prokram bapher bapher, kata naduh ki jingïakob rwai, marathon, ki jingïalehkai bapher bapher ki jingïakynduh lang jong ki Dkhot ba rim bad ba thymmai bad kiwei kiwei.
Kum ka dak ka jingkynmaw burom ïa ka Nongseng jongka JCES Mawkhar ka Mem Annie Wozecroft Thomas ha u snem 1900 la pynlong ka jingleit buh syntiew ha u maw Mot Lum Jingtep jongka uba ha U Lum Jingtep ka Balang Mawkhar Presbyterian uba ha Mission Compound ha ka 2 tarik Risaw 2025. Ha katei ka sngi ki dkhot ba rim bad kiba thymmai ne ki Active Member ki la ïadon lang ban ïashim bynta ha kane ka jingleit buh syntiew. Hadien ka jingbuh syntiew la ïoh ia ka jingïaseng duwai lyngkot ha kaba la pynïaid bad ai jingkren shaphang ka Mem Miss A.W Thomas da I T.Bn G Pakma bad hadien kane la ïoh ïa ka jingduwai na I T.Bn W.H Shullai.
Ki Jingïaseng ban pynhap pyrda bad Khylliap Lama noh ïa kane ka jingrakhe ki la sdang naduh ka 17 tarik Risaw 2025 bad kut mynta ka Sngi U Blei 19 tarik Risaw 2025. Ha ka 18 tarik ha ka por 8 baje mynstep ka la don ka jingsam ïa ki Prize na ka bynta kito kiba jop ha ki jingïalehkai bapher bapher. Ha ka por 1 baje la ïoh ïa ka Singing FestivaL hapoh ka jingïalam u Rev Bhakupar Khonglam. Ki don ruh ki prokram ba kyrpang kum ka Choregraphy na ka Jingïaseng Khynnah Balang Presbyterian Jaiaw, ki Choir JCES Police Lines, Jingïaseng Khynnah Balang Presbyterian Malki, Jingïaseng Khynnah Balang Presbyterian Pohkseh, JCES Qualapatty, JCES Pynthorumkhrah, Jingïaseng Khynnah Balang Presbyterian Riatsamthiah, JCES Student Field, JCES Mawprem, JCES Mawkhar. La ïalam da ka jingïaseng da u President ka JCES Mawkhar bad Mawkhar CE Union u bah Baika R Lyngdoh bad nongtem bah Aibankitlang Allya.
La ïoh ïa ka jingiaseng Paidbah ha ka por 5.30 hapoh ka jingïalam jong u bah Reuben B Diengdoh. nongtem Manbha Warjri, Jingrwai ïa ka Theme Song JCES Mawkhar ba la rwai da ki Active bad Associate Members. Jingrwai kyrpang na ka JCES Students’ Field, KJP Girls Hostel, Intermediate CE Society Mawkhar bad JCES Mawskhar.U Nongkren ha kane ka jingïaseng u dei u Rev. C. Suchiang na ka Balang Shangpung.
Ha ka Sngi U Trai ha ka por 10 baje mynstep la ïoh ïa ka jingïaseng paidbah hapoh ka jingïalam u President bah Baika Lyngdoh bad nongtem I Kong Varina Kharumnuid. Ka jingrwai ïa ka Theme Song na ka JCES Mawkhar Active bad Associate Member, Jingrwai kyrpang na ka JCES Police Lines bad JCES Mawkhar. U Nongkren ha kane ka jingïaseng u dei u Rev Reuben G Laloo.
Ha ka por 1 baje Nohphai Sngi la ïoh ïa ka Jingïaseng Paidbah hapoh ka jingïalam jong u Prof Donkupar War Chairman ka Jubilee Working Committee bad nongtem kong Delphine Kharmylliem. Nongïalam jingrwai bah Reuben B. Diengdoh, pule sdang da ki Associate Members ka JCES Mawkhar bad nongduwai bah Dappurasan Siangshai. La rwai ïa ka Theme Song da ka JCES Mawkhar Active bad Associate Members, ka Report treikam na i Miss Eimika M Syngai General Secretary. La ïoh ïa ka jingrwai kyrpang na ki Senior Members ka JCES Mawkhar bad na ka Choir ka JCES Mawkhar. U Nongkren ha kane ka Jingïaseng u dei u Rev Brington Roy Pamshong na ka Synod Ri Bhoi.
Ka jingïaseng kaba khatduh ban khylliap lama ïa ka jingrakhe ka long ha ka por 5.30 janmiet hapoh ka jingïalam u bah Farewell Nongkynrih, Nongtem bah Tyngshainlibor Lyngdoh bad Nongïalam Jingrwai bah Bynraplang Kurbah. Pule sdang bad duwai Dr Brandon Lyttan, ka jingrwai ïa ka Theme Song da ka JCES Mawkhar Active bad Associate Members, jingai khublei bad jingpynbna na u General Secretary ka Jubilee Working Committee bah Khrawkupar Paswet, jingrwai kyrpang na ka JCES Qualapatty bad JCES Mkhar Choir. U Nongkren ha kane ka jingiaseng u dei u T.Bn (Dr) D.Gordon Marbaniang. Hadien ka jingkren la ïoh ïa ka jingïaseng pynkyntang hapoh ka jingïalam jong u T.Bn W.Himbok Shullai bad la pynpule ruh ïa ka Pledge bad rwai ïa ka jingrwai Pledge sa ïoh ïa ka jingkyrkhu pynwai.
Hadien kane la pynlong sa kawei ka prokram ba kyrpang ha phyllaw ïing Mane hapoh ka jingïalam jong u Rev B Chyne na ka bynta ban pynhiar noh ïa ka lama jubilee bad ban khylliap bad aiti noh ha u General Secretary ka Jubilee Working Committee bah Khrawkupar Paswet kum ka dak ban pynpaw ba ka jingrakhe ïa kane ka jingdap 125 snem ka JCES Mawkhar ka la kut noh mynta ka miet.