Jowai, Risaw 09: Ka resol jong ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills, kaba la long ha ka sngi palei, 09 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong jong kane ka sngi la sakhi ïa ka Jalalpang SC kaba la pynjemkhnap haduh 6-0 kol ïaka Wahshangiar SC.
ïaki kol naka Jalalpang SC la thep da u Hopeful Shullai haka minit ba 2, u Kynmowanki Phawa haka minit ba 14, 46 & 69, u Marvel Kyndait haka minit ba 16 bad u Nangroi Laloo haka minit ba 79.
Haka jingïakhun kaba ar ka Nongkhroh Mawsiang kala jop da 5-2 kol ïaka Evergreen SC, ïa ki kol naka Nongkhroh Mawsiang la thep da u Rio Myrboh haka minit ba 10, u Deibanskhem Kharsati haka minit ba 14 & 74, u Snkwel Kharsati haka minit ba 26 bad u Pynbiangmi Kharsati haka minit ba 63. Ïa ki ar kol naka Evergreen SC la thep da u Teddy Bang haka minit ba 16 bad u Riskhem Shylla haka minit ba 53.
La pyntip ka jingïalehkai jong ka 1st Division ha kane ka sngi Thohdieng, 10 tarik haka haka por 12 baje shiteng nohphai sngi ka Ummulong SC pyrshah ïaka Namdong-B. Katba haka por 2 baje shiteng nohphai sngi ka Malngiang SC pyrshah ïaka Friends United.
