SHILLONG, Risaw 09: Ka Pohkseh SC ka la wanphai da kaba tyngeh ha ka kylla miet ban pynliem noh da 3-0 kol ïa ka Ryntih SC ha kawei na ki jingïakhun jong ka lympung Shillong Sports Association First Division Football league 2025, kaba la long ha ka sngi Palei ha madan First Ground-SSA Stadium, Polo.
Hadien ka jingïalehkai kaba khlem kol ha ka kylla step, ka Pohkseh ka la thep lai tylli ki kol ha ka kylla miet kiba la wan lyngba u Badonkupar Shadap (51’minit), u Shiningstar Nongdhar (59’) bad u Reinjoywell Wartde (67’).
Ka jingïalehkai jong ka SSA 1st Division Football league 2025 ha kane ka sngi Thohdieng (10.10.2025) kan sdang ha ka por 1 baje shiteng nohphai sngi, ha kaba ka Nongkseh SC kan aireng pyrshah ïa ka Lawsohtun SC.
