TSA First Division: Jop ka ‘The A Team’; ïakhaid ka Larnai bad ka Khliehtyrshi

0

Jowai, Risaw 08: Ka kynhun ïalehkai jong ka The A Team ka la ïoh ban khur ïa ka jingjop kaba shongkun hadien ba ka pynliem noh da 4-0 kol ïaka Modymmai SC ha kawei na ki jingïalehkai jong ka lympung phutbol bala tip kum ka ‘Hajan Shylla Memorial Trophy First Division 2025’ bala pynïaid daka Thadlaskeiñ Sports Association (TSA) West Jaiñtia Hills, kaba la long ha ka sngi Balang, 08 tarik Risaw, ha madan Wahiajer Multi-Sports Complex.
Ka The A Team ka la ïoh ban lamkhmat lypa da ar kol ha ka kylla step lyngba u Bornlywell Lamare (13’) bad u Supernal Malang (37’).
Nangta ha ka kylla miet u Rudolf Lamare u la ïoh ban pynjlan ïa ka kol lamkhmat da kaba thep sa ar tylli ki kol, kiba la wan ha ka 69 bad 71 minit ban pynthikna ïa ka jingjop.
Shuwa kane, ka jingïakhun kaba nyngkong hapdeng ka Larnai SC bad ka Khliehtyrshi SC ka la kut ha ka jingïakhaid, ha kaba baroh arliang ki la ïoh ban thep mar 3-3 kol.
ïa ki kol naka bynta ka Larnai SC la thep da u Evershine Nongrum haka minit ba 11 & 17 bad u Enforce Kharsohnoh haka minit ba 32. Ïa ki kol na ka Khliehtyrshi SC la thep da u Khrawkupar Kharsyntiew haka minit ba 21 & 45 bad u Wanlangki Dkhar haka minit ba 70.
Ka jingïalehkai jong ka lympung 1st Division ha kane ka sngi Palei, 09 tarik Risaw kan sdang ha ka por 12 shiteng mynsngi, ha kaba ka Jalapang SC kan aireng pyrshah ïaka Wahchangiar FC. Katba haka por 2 shiteng nohphai sngi ka Evergreen SC kan ïakhun pyrshah ïaka Nongkhroh Mawsiang.

Leave A Reply

Your email address will not be published.