New Delhi, Risaw 05: U Myntri Rangbahduh, Narendra Modi mynta ka sngi u la ïaroh ïa ki sienjam jong baroh kiba la trei shitom ban wanrah ka jingseisoh bad ka jingai jingmyntoi ka Swasth Nari, Sashakt Parivar Abhiyaan ïa ki Nari Shakti jong ka India.
Da kaba ong ba kane ka dei ka nuksa kaba biang bha jong ka Jan Bhagidari-ka jingïashim bynta ki briew-u Myntri Rangbahduh u la ban jur ba kum kane ka jingïatreilang ka long kaba donkam ban kyntiew ïa ki jingim bad ban tei ïa ka imlang sahlang kaba kham biang ha ka koit ka khiah bad kaba la kham pynkupbor.
Ha ka jubab ïa ka post da u Myntri Sorkar Pdeng, J P Nadda ha ka X, u Modi u la thoh: “Ka sienjam kaba hap ban ïoh jingïaroh! Nga kitbok kitrwiang ïa kito kiba la trei shitom ban wanrah ïa ka jingseisoh bad ki jingmyntoi ïa ki Nari Shakti jong ngi. Kane ka dei ka nuksa kaba biang bha jong ka Jan Bhagidari ban kyntiew ïa ki jingim.”
