Jowai, Nailur 23: Ka jingïalehkai phutbol bala pynïaid daka West Jaiñtia District Sports Association (WJDSA) kaba la long mynta ka sngi 23 tarik u Nailur haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 2nd Division ka Mulang Ialong kala jop da 2-0 kol ïaka Panaliar, ïa ki kol na ka Mulang Ialong la thep da u Richard Dhar haka minit ba 61 bad u Nidaroi Mulieh haka minit ba 80+4.
Haka jingïakhun kaba ar ka Loomsooiung Newhill kala jop da 9-0 kol ïaka NSA, ïa ki kol na ka Loomsooiung Newhill la thep da u Banteilang Shylla haka minit ba 4, 10 & 18, u Pynshai Lathong haka minit ba 7, u Lastborn Suting haka minit ba 25 & 40, u Iohi Chyrmang haka minit ba 54, u Simeon Suchiang haka minit ba 56 bad u Kyrkhu Ryngkhlem haka minit ba 80+1 jong ka kylla miet.
