Jowai, Nailur 22: Ka jingïalehkai kaba la long haka sngi saitjaiñ hapdeng ka Amlariang Sport Club pyrshah ïaka Khlachympa SCC– A haka lympung jong ka 8th Inter-dong bala pynïaid da ka Seng Samla Khlachympa Sports and Cultural Club Nongtalang.
Ha kane ka jingïakhun ka Amlariang Sports Club kala pynliem da 1-0 kol ïa ka Khlachympa SCC – A. Ïa kane ka kol la ïoh ban thep da u Returnback Bareh (Amlariang SC) haka minute kaba 11 (first-half) jong ka jingïalehkai bad ïaka Namtam (man of the match) la ïoh da u Imon-u Pohchen jong ka Amlariang Sport Club.
La pyntip ba ka jingïalehkai kan bteng biang haka 26/09/2025 hapdeng ka Tympang Club pyrshah ïaka Khlachympa SCC – B ha ka por 2.30 baje nohphai sngi.
