Nongpoh, Nailur 07: Wat hadien ka jingmaham bad ka jingtalasi jong ki Pulit na ka por sha ka por ïa ki paidbah kiba ñiah kali ha surok khamtam ki ar sha ka kiba ju pynkheiñ aiñ bad buh jingma ïala ka jingim khlem da phong ïa ki seat belt, ki helmet, ki Pulit ka Ri-Bhoi mynta ka sngi ki la ïoh ban bat bun ngut ki nongñiah ar sha ka kiba pynkheiñ aiñ.
Na ka liang ki Pulit ka Nongpoh Traffic Police mynta ka sngi ki la ieng ha surok bah National Highway 6 ha lad ka ophis u Deputy Commissioner ka Ri-Bhoi ban talasi naaphang ïa ki ar sha ka namar bunsien tang namar ka jingbym kheiñ snep bad burom ïa ki aiñ ñiah kali bad ka jingbthah jong ki Pulit ka ju wanrah bun ki jingmynsaw bad khamtam ki jingjia ba sngewsih.
Tang mynta ka sngi u Blei ki Pulit hadien ka jingïoh bat bun ki ar sha ka, ki la ïoh ruh ban daiñ kuna haduh T.34,000/- hajar tyngka lyngba ki e-challan bad kum ki Pulit ki kyrpad ruh sha ki paidbah ba kim dei ban kheiñ sting ïala ka jingim hynrei ban bud ryntih ïa ki kyndon aiñ.
