Khliehriat, Nailur 04 : Ka tnat District Selection Committee jong ka East Jaiñtia Hills District mynta ka sngi ka la aiti ïa ka jubab RTI ha u bah Reachingson Saingshai kaba don haduh 2609 sla, u tei u rangbah uba buh RTI u la ong ba watla katta ruh ki dang don ki bynta kiba um pat sngewhun bha kata ka jingjubab ka tnat DSC.
Ha ka jingbuddien ia ki RTI ba la buh u bah Reachingson Siangshai mynta ka sngi u la leit ban iakynduh ïa u PIO, u Manish Kumar, IAS ha ophis u Deputy Commissioner ha Khliehriat tangba u khlem lah ban iakynduh ïa u PIO bad ong ba un sa leit biang ha kawei ka sngi bad na ka liang jong u u la dep pynkhreh ruh ïa ka pisa kaba T 5000 hajar tyngka tam ban siew ha DSC ha kaba iadei bad ki RTI ba u la buh bad u la pynkhreh da ki pisa khutia suda.
Kum ban shu phai dien, u bah Reachingson Saingshai, u rangbah na East Jaintia Hills District u la dep ban buh haduh lai tylli ki RTI ha kaba ïadei bad ki post ne ki kam kiba lait ba la pynbna lyngba ka DSC East Jaiñtia Hills District kaba u la sngewthuh ba kam shym la don ka jingiaid beit iaid ryntih ha ka ruom khot interview bad ha ka rukom thep kam, u bah R.Siangshai u la ong ba namar ka post Demonstrator kaba katkum ka jingpynbna ne ka notification kaba pynmih myn ha kine ki taïew ba la leit, ka mih kane ka notification ruh dei namar ka jingbud dien jong u lyngba ka RTI, te ïa kane ka post ba pyn ialeh exam myn 1 tarik u nailur bad ruh halor ka jingpynbna ka DSC East Jaiñtia Hills ïa ki post Sectional Assistant kiba la pynbna ba lait ki ar tylli hynrei ha ka por ba thungkam pat la thung haduh lai ngut ki briew, kine kiei kiei ki dei kiba u bah Reachingson Siangshai u sngewkhia bad buh da ka RTI ha ka tnat DSC East Jaiñtia Hills District.
