25 snem yn dap ka kotkhubor Salantini Janera

Shillong, Nailar 27: Ka Management bad ki nongtrei jong ka Salantini Janera, kaba dei ka kot khubor kaba mih manla ka sngi ha ka ktien Garo ka khot sngewbha ïa baroh ban ïa donlang ha ka jingrakhe ïa ka jingdap lyngkhuh 25 snem.
Ka Salantini Janera kaba pynmih na kajuh ka shlem jong ka kot khubor “The Shillong Times” kan pynlong ïa ka prokram kyrpang kum ka dak ban pyrto ïa jingnoh synniang halor ban pynsaphriang ïa ki khubor sha ki paidbynriew Garo bad ka jingshakri ïa ka imlang sahlang ha kine ki 25 snem.
Ka prokram kyrpang kan sa long ha ka 30 tarik, Nailar 2025 ha Hotel Polo Orchid, Tura naduh ka por 12 baje shiteng sngi.
Ha kane ka sngi yn sa donlang ruh u Myntri Rangbah ka Jylla Conrad K. Sangma kum u kongsan, u Nongïalam ka Liang Pyrshah u Dr. Mukul M. Sangma bad u MP ka Tura u Saleng A.Sangma kum ki symbud kongsan nalor ka nongpynmih ïa ka kot khubor ka Shobha Chaudhuri bad kumjuh ruh u Senior Sub-Editor Warmond Rongkrore.