SHILLONG, Nailar 16: Ka Hynñiew trep Youth Council (HYC) Mawlai Umjaiur Unit hapoh ka jingïalam jong u Bah T.Nongrem kum u President ka Unit bad F. Marwein kum u General Secretary ki la ïoh ban pynlong ïa ka jingrakhe lehkmen sngikha jong u Wickliffe Syiem da ka lympung ïalehkai futsal kaba shi sngi lane ka One Day futsal Tournament.
Ha kane ka sngi ka HYC ka la ïoh ruh ban shim ïa ka kabu ban pynlong ïa ka prokram ‘WickLiffe Syiem Academic Award’ ban pynkup burom ïa arngut ki samla kiba pass bha ha ka SSLC 2025.
Ha kane ka sngi plie pyrda, u Bah Enlang Sawian Education Secretary ka CEC u la long kum u Kongsan ha ka jingdon ryngkat lang u Bah Donboklang Kharlyngdoh President bad ki nongkitkam ka HYC Mawlai Circle.
Ha kane ka ha kane ka WickLiffe Futsal Cup kaba shi sngi la sakhi ïa ka jingïashim bynta jong 8 tylli ki kynhun napoh ka shnong Umjaiur.
Mynta u snem ka kynhun ïalehkai jong ka KIDO FC ka la ïohrah ïa ka nam lahduh hadien ba ka la jop da 3-2 kol pyrshah ïa ka KITBOK FC.
Kum ka kynhun lahduh, ka KIDO FC ka la ïoh ban khur ïa ka song pisa ba 20000/- ryngkat bad ki takma, certificate & Trophy, katba ka KITBOK FC ka la ïohpdiang ïa ka song pisa ba 10000/- ha ryngkat ki medal, certificate & Trophy.
Ia ka jingpynkup burom sha ki samla pule bad ka jingsam ïa ka khusnam ha kane ka sngi la sam da u Bah Twol Nongrem, Bah Enlang Sawian bad Bah Donboklang Kharlyngdoh.
