Khliehriat, Nailar 02 : Ka Education Cell jong ka Jaiñtia Students Movement Central Body kumba ju long man la u snem, ka pynbna ba kan sa ai khusnam ïa kito ki samla kiba na ri lum Jaiñtia kiba pass bha ha ka exam SSLC, HSSLC bad ka Graduation bad kane ka jingai khusnam la tip kum ka 7th Academic Excellence Award,2025.
Kane ka 7th Academic Excellence Award,2025 jong ka Jaiñtia Students Movement kan dei na ka bynta kito ki samla pule kiba na Jaiñtia kiba kynjoh ïa ka 80 percent shaneng ha ka jingioh ïa ki marks.
Kumjuh ruh ka seng kan ai khusnam ruh kaba ki ong ka Exceptional Awards ïa kito ki samla na ri lum Jaiñtia kiba wanrah nam wanrah burom ïa ka ri lum Jaiñtia, ïa ka district bad kanjylla da ka jingjop jong ki ha ki jingialehkai soprts bapher bapher kiba naduh ka State level bad National Level.
Ïa ki kot ki sla kiba donkam kum ka Registration Card, Mark Sheet, Contact Number bad ki kyrteng shnong dei ban u pynpoi sha u Education Secretary JSM Central Body, u bah W.R.D Siangshai da kaba ki lah ruh ban phah lyngba ka WhatsApp ha u Number-8787789140, ïa ka taraik ban pylong ïa katei ka prokram 7th Academic Excellence Award,2025, ka seng kan sa pyntip hadien.
