Watla u thut ka kti kadiang ïalehkai bha u samla Alpon ha ka Badminton Promotional Group

Shillong, Naitung 29 : U samla Alpon Nongrum u dei u samla uba kyrpang namar na ka jinglong ka met ka phad namar ka jingthut ha ka kti kadiang hynrei u la.lah pat ban pynpaw ïalade ha ka lympung ïalehkai badminton.
Une u samla u la poi ban leit ïashim bynta sha ka First Prize Money Badminton Tournament ba la pynlong da ka Badminton Promotional Group, naduh ka 24 haduh ka 26 tarik jong ka taïew kaba la dep, ha Indoor Sports Hall jong ka JN Stadium, Polo. Une u samla watla u don ha ka jingthut ha ka kti kadiang hynrei kane kam shym la khang lad ne long u mawjynthut ba un mih madan ha ka lympung ïalehkai badminton.
Kane kam dei shuh ka sien kaba nyngkong ba u mih madan, hynrei u la ïakhun ruh ha ka State Championship kiba la long ha Nongstoin bad kiwei ki championship ha ki snem ba la dep.
U samla Alpon Nongrum u dei u para athlete ne u rang ïalehkai ba don jingthut ha ki dkhot met hynrei ka mynsiem ïakhun jong u pat ka la pynlong ba un mih beit ban aireng ha kino kino ki lympung
U ne u samla u lah ruh ban ïakhun ha ka Paralympic bad ban long u khlur ïaleh badminton uba tbit bad u lah ban wanrah khusnam.