Shillong, Naitung 22: U Company Commander, C-Coy, 193rd Bn., BSF, BOP Ryngku (EKH) u la phah ka jingujor ba ha 26 tarik u bnai Jymmang, 2025 dang step, hadien ba la ïoh ka jingtip ba thikna, ki shipai BSF ki la ïohi ïa ka jingwan ki suba nongkhaïi tuh kiba don kumba 30 haduh 40 ngut ha shilynter ka BP No. 1228/4-S kaba hajan GIN 476. Hynrei hadien ba la mih ka jingkhynra ki BSF, kitei ki suba nongkhaïi tuh ki la phet krad noh na katei ka jaka. Kham hadien pat ki shipai BSF ki la lap haduh 38 tylli ki masi najan ka wah Chilai, GIN 476 bad BP No. 1288/4.
