Shillong, Jylliew, 22: Ka tnat Pule Puthi jong ka Sorkar Jylla ka la pynbna ba ka la pyllait ïa ka First Instalment (20%) jong ka Post-Matric Scholarship na ka bynta ki samla pule Scheduled Tribe (ST) jong u snem pule 2024-25. Kane ka sienjam kan pynmyntoi ïa ki 66,000 ngut ki samla pule kiba la pynïasoh ïa ki Bank Account jong ki bad u Aadhaar.
Ka pisa ba dang sah ban sa pyllait ha ka 2 bad 3 Instalment ka shong katkum ka jingpyllait pisa na ka Sorkar India.
“Ha ki snem baladep, ka Sorkar India ka ju pyllait ïa ka Post-Matric Scholarship ha ki 3–4 Instalment, bad ha kawei ka Instalment ka kynthup tang ïa ki katto katne ki samla pule. Kumta bun ki samla pule ki la shu kut tang ha ka jingap khmihlynti ïa ka bhah jong ki na ka baibam ba ki dei ban ïoh. Hynrei, naduh mynta u snem, ka tnad Pule Puthi ka la shim ïa ki rukom treikam kaba thymmai ban pynthikna ba uwei pa uwei u samla pule uba dei hok un ïoh ïa ka pisa kaba dei ban ïoh ha manla ki bynta,” ong u Commissioner & Secretary uba khmih ïa ka tnat Pule Puthi u Vijay Kumar Mantri ha u kyrwoh ba la phah ha ka Sngi U Blei.
U la pynshai ruh ba ym dei ban pynïakhleh ïa kane ka scholarship bad ka Chief Minister’s Scholarship Scheme, kaba la pynbna ha ka Dorbar Mang Tyngka ba la dep. Ka jingpynrung kyrteng na ka bynta ka skhim ai jingïarap jong u myntri rangbah kan sdang hadien ba la pynbna paidbah ïa ka skhim bad ki jingbthah ba bniah jong ka.
U la pynshai ba ym dei ban sngewthuh bakla ïa kane ka Scholarship bad ka Chief Minister’s Scholarship Scheme, ïa kaba la pynbna ha ka Mang Tyngka ba ladep. Ka jingregistar na ka bynta ka Chief Minister’s Scholarship Scheme kan sdang biang ynda la pynmih ïa ka jingpynbna jong ka skhim bad ïa ki kyndon kiba bniah.
Ha ka 20 tarik Jylliew, 2025, ka tnat Pule Puthi ka la shimkhia ban pyllait ïa ka First Instalment (20%) jong ka Post-Matric Scholarship na ka bynta ki samla pule Scheduled Tribe (ST) jong u snem pule 2024–25, ka ban pynmyntoi ïa ki 66,000 ngut ki samla pule kiba ladep ban pynïasoh ïa ki bank account bad u Aadhaar, la pyntip u Mantri.
U la bynrap ba kiba sah sa 7,902 ngut kin ym pat ïoh ïa ka Scholarship, bad ïa ka jingpyntip lyngba ka SMS la phah ha ka 20 tarik Jylliew 2025 na ka National Scholarship Portal (NSP) sha ki mobile number ba ladep rejistar da ki samla pule, bad la ai jingmut ruh ba ki dei ban da pynshisha ïa ka jingïasoh ïa u Aadhaar bad ki Bank.
Tang shu ïoh ïa ka SMS, la ai por 15 sngi ïa ki nongïoh jingmyntoi ba kin pyndep ïa ka jingpynïasoh ïa u Aadhaar. Hadien ba la kut ki 15 sngi, ïa ki jingsiew jong kito kiba la pynïasoh ïa u Aadhaar jong ki yn pyntreikam lyngba ka NSP payment Module, u la ong haba bynrap ba ka rukom siew jong ka NSP kam shah ban sdang siew shwa ban kut ka por 15 sngi hadien ka jingphah ïa ka SMS.
Na ka bynta kino kino ki jingtip kiba bniah, la kyrpad ïa ki samla pule ba kin thoh sha ka dydhtetechnical2@gmail.com. lane ban phone ha ki nombar: 7005037347/ 9077574956.
