Kumba pyntip paidbah ïa ka case Sonam bad Raja, donkam ruh ban pyntip ïa ka case u Donald bad Priya: PT Sawkmie

Shilllong, Jylliew 22 : U Bah P.T Sawkmie, MLA barim u la ong ba ka case ne jingjia u Donald Sohtun bad ka Priya Khongstia donkam ba ki bor pulit kin pyntip paidbah kumba ki la leh ïa ka case ka Sonam bad u Raja Raghuvanshi.
“Namar ka case shah pynïap ka Priya ka long kaba sngewsynei haduh katta katta kumba la kren da kiba haiing hasem,” ong u bah Sawkmie.
U la bynrap, “Ka jingkwah ki paidbah ban tip haduh katno ba ka jingpharep u Donald ïa ka Priya ka dei ne em kaba shisha bad da ka long kumno kumno haduh ban da shim noh ïa ka mynsiem briew ngin ym lah satia ban pdiang da leilei ruh, donkam ban pynrem ïa u bad ban set phatok shi rta.”
U ong ruh, ki paidbah ki dei ban ieng tylli ban pynrem ïa kane ka jingjia, khamtam ngi ïohi ba kiba haiing hasem ka Priya ki dei kiba duk, ym kum ka case ka Sonam bad u Raja kaba dei ka high profile case naduh Delhi ki tuklar.
“Ngi kyrpad ïa ka Meghalaya State Women Commissions ba kan shimkhia ïa kane ka case namar ka jingpynïap ïa ki longkmie ka jyllei bha ha kine ki sngi kiba mynta,” pynkut u bah Sawkmie.