Shillong, Jylliew 19 : Ka Meghalaya Chess Asso-ciation ha ka 18 tarik Jylliew 2022 ka la pynkut ïa Meghalaya State Schools U-15 Chess Championship 2022 ha Laban Sport Club, Shillong ha kaba la wan ïashim bynta da 20 tylli ki skul na ki District bapher bapher jong ka jylla. Katei ka Championship ka long ruh shi bynta ban jied ïa ki khynnah kiban leit shim bynta ha ka 44th Chess Olympiad 2022 ka ban long ha Chennai naduh ka 28 tarik Naitung haduh 10 tarik Nailar 2022.
Ka MCA ka la ïoh ban jied ïa ki san ngut ki khynnah ban leit mihkhmat ïa ka jylla ha ka kyrdan Under 15 ba kynthup ïa u Anubhav Sharma na KVEAC Upper Shillong, Mewanpynhunlang Dieng-doh na St Anthony School katba ha ka liang ki kynthei la jied ïa ka Cheaha Nikgame Momin na Li lum Montessori School Dalu kaba jop kyrdan ba nyngkong, ka Siddhi Kansalna BDW International School kaba wan ba ar bad ka Brian CJL Marshillong na JNV Nongstoin kaba wan ba nyngkong napdeng ki skul sorkar.
Ha katei ka jingïakop kiba wan ha ka kyrdan ba lai jong ki shynrang bad kynthei ki kynthup ïa u Anubhav Das na Army Public School bad ka Misha Sohshang na Church of God Nongstoiñ. Ha ka Under 12 (Boys) u Devraj Dutta na Central School Upper Shillong u jop ba nyngkong, u Emerson Mangminthang na St Anthony ba ar bad u ZedikaiahJyrwa na Maharam Government School ha ka kyrdan ba lai.
Ha ka U-10 (Boys) u Advitiya A G na Army Public School, ba ar u Agnibha Das na All Saint School, bad ba lai u Armanskhem Khonglam na Army Public School bad i Dibamiat Imerisa Khonglam na Loreto Convent School ba nyngkong ha ka liang ki kynthei.
