Shillong, Jymmang 10 : Ki la don haduh 140 tylli na ki 553 tylli ki mukotduma kiba la lah ban pynbeit kaba lada khein lut ka la kot sha ka 1.21 klur tyngka ha ka National Lok Adalat kaba la pynlong ha baroh ki distrik jong ka jylla ha kane ka sngi Saitjain.
Na ki 553 tylli ki mukotduma ba la shim ban pynbeit, 270 tylli ki dei ki mukotduma shwa ban shah mudui (pre-litigation cases) bad 283 tylli ki dei ki mukotduma kiba dang sahkut.
Ïa kane ka National Lok Adalat la pynlong da ka Meghalaya State Legal Services Authority (MSLSA) hapoh ka jingkyrshan bad jingialam jong u Chief Justice ka Meghalaya High Court u IP Mukerji bad u Justice HS Thangkhiew.
Kane ka long katkum ka kyrwoh ba la pyllait da u Member Secretary ka MSLSA Bah E Kharumnuid.
