Shillong, Jylliew, 18: U Bah Modrina Nongkynrih, ibaju khot ieid bad tip paitbah da ka kyrteng Bah Mo uba long uwei na ki nongsengkam lajong uba pawnam bha hapoh ka jylla Meghalaya u la khladnoh na kane ka sla pyrthei ha ka jinglong tymmen ha ka janmiet sngi Saitjaiñ ka 18 tarik u Jylliew, 2022 ha Super Care Hospital, Shillong.
U Bah Mo u dei u heh saipan ka jaidbynriew Khasi hapoh kane ka jylla bad u riew rangbah uba minot thop ha la ka kam kat haduh ki sngi ka jinglong tymmen ban pyndep hok ïa la ka kamram kaba u la seng.
Ka jingkhlad noh ka jong u ka long ka jingduh nong kaba khraw ïa ka jylla hi baroh kawei namarba u dei uwei na ki rishot ha ka khia ka shon ban kit ban tynrong lem ka jingkitkhlieh ban kyntiew ïa ka seng kam lajong da ki trai muluk.
Ïa ka met jong u lah buh ha ing sah ha Mawlai Nonglum, Shillong.
