Sam um, sam jingbam ka tnat CSR jong ka Star Cement Lumshnong ïa ki paidbah kiba sahkut ha ka jingdheng kali ha Narpuh

Khliehriat jylliew 16: kiba bun ki paidbah nongleit jingleit kiba la sahkut ha ka jingdheng kali kaba jur ha surok national highaway ha Narpuh, ki la kynduh jingeh ha ka leit wad jingbam bad wad um, kumta ka kynhuh jong tnat CSR jong ka Company dewbilat jong ka Star Cement Company Lumshnong mar mar ki la leit ban sam um bad sam jingbam ïa ki paidbah.
Ki bor pyniaid jong ka tnat CSR Star Cement, ki iathuh ba kat haduh ka por 4 baje jan miet ki la lah ban sam ïa ki um bad ki jingbam sha ki 400 haduh 800 ngut ki nongleit jingleit bad kin nang iai bteng shuh shuh ïa kane ka kam ba bha jong ki ban sam um bad sam jingbam sha kito ki nongleit nongwan kiba dang sahkut ha ka jingdheng kali kaba jur.