Leit ïasoh bun ngut ki khun samla ka shnong Mihmyntdu sha ka FKJGP

Jowai, Jylliew 15: Ka Federation of Khasi Jaiñtia & Garo People (FKJGP) Jaiñtia hills Hynnin ka sngi ki nongïalam jong ka sengkmie kila leit ban pynskhem sa kawei ka shnat trei ka seng ka ban tip kum ka FKJGP Mihmyntdu Unit.
Ïaka jingpyntian smai bad pynskhem ïaki nongkitkam jong ka unit la wan ban pynskhem da u Working President seng kmie Bah Dundee Cliff khongsit ha ryngkat ka jingsynran lang ki nongkitkam ka Agriculture Cell East Khasi Hills.
U bah Dundee haba ai jingkren ula pynpaw ïaka jingkmen kaba khraw namar kat dang mih ki sngi shibun ki khun samla bad rangbah ki wan ban pynïasoh sha ka seng, ka seng kaba buh ïaka thong kaba hakhmat eh naka bynta ka Rilum Jaiñtia baka sorkar ka dei ban buh ïaki College haki bynta bapher bapher ka Jaiñtia Hills, khnang ba ki khun samla kin suk bad ïoh leit pule hala ki jaka la jong.
Kumba mynta mar sien mih ki results bapher bapher ki hap ban pynlut da ki hajar tyngka tang ban leit wad klas bad bun sien kim ïoh klas ki hap ban shongïing bad kane ka pynsngew sih ïa ki nongïalam ka seng bad ka ladei ka por ban hap ban mih sha khmat ban shim ïaka ka jingkit khlieh naka bynta ka jingeh jong ka bri u hynñiewtrep hynñiewskum.
Ïa ka jingïalang la pynïaid da u samla M. Marboh Vice President Jaiñtia Hills Zone, la ïoh ïaka jingkren na bah D.S. War Chief Organising Secretary, bah Michal Chyrmang President khliehriat Circle, kong Daroi Papang Secretary Women’s bad na u samla Kitboklang Nongphlang, Chief Organising Secretary FKJGP Sengkmie Incharge FKJGP Jaiñtia Hills.
La kyntu jur ïa ki nongkikam jong katei ka Unit ba kin long ki nongïalam kiba tip briew tip Blei bad kiba ïaineh, kiba trei shitom ki dei ban don ka jingkit khlieh na ka bynta ban ai ka jingshakri ïaka jait bynriew.
Ki nongkitkam jong ka Mihmyntdu Unit ki long u President samala Heimonmiki Ryngkhlem, Vice President samla Dabiangki Sumer, General Secretary samla Evangelist Shylla, Asst. Secretary samla Idari Kynjai Lyngdoh, Organizing Secretary samla Arean Dkhar, Asst. Organizing samla Pynyoolad Phawa, Education Secretary samla Armiki Kapasan, Asst. Education Secretary samla Ewan Phawa, Sport Secretary samla Budmiki Chyrmang, Asst. Sport Secretary samla Rangkit bok Chyrmang, Disciplinary Secretary: Hamram Lyngdoh, Asst Disciplinary Secretary: Sumar Dkhar, Information Secretary: Embok Kyndait, Asst. information Secretary: Firsteding star Marngar, Chief Advisor: Apki Suchiang, Asst. Chief Advisor: Dayoo Lhuid lem bad ki 20 ngut ki dkhot.