Jowai, Jylliew 15: Ka Sub-Divisional Officer (Supply) jong ka Amlarem Sub–Division ka la pyntip paidbah ba la thung ïa kine ki ophisar harum kum U District Grievance Redressal Officer (DGRO) bad ka Assistant Grievance Redressal Officer (AGRO) hapoh ka Amlarem Sub-Division.
Kumta lada don kino kino ki jingujor ha kaba ïadei bad ki kam sam rashon (Public Distribution System) ki lah ban ujor sha ka ophis lyngba kine ki ophisar. Ki nongïoh myntoi (Beneficiaries) ki lah ruh ban ai jingujor lyngba ka online platform kaba kyrteng MEGPGRAMS Portal (www.megpgrams.gov.in) lane da kaba phone ha u number 1967 khlem da donkam ban siew.
Ha ka juh ka por ki lah ruh ban phone ha kine ki Ophisar ki long kumne u bah Gameliel L.C Mylliem, EAC, DGRO- 8527843078 bad u kong Zaryne Kharkongor, SI(S), AGRO- 8414806738.
