Shillong, Lber 19 : Ka Hima Mylliem ka la pyntip ba ka jingpynkhuid ïa ka Iewduh kan long ha ka 23tarik mynta u bnai kaba hap ha ka Sngi U Blei naduh ka por 9:00 baje mynstep haduh ban da dep ka kam.
Ha ka kyrwoh, ka Hima ka la kyntu ruh ïa baroh ban snohkti lang khnang ba ka kam kan long kaba ïaid beit ïaid ryntih.
Ka Hima ka kyntu ruh ïa ki nongrep ba kin ym wanrah ïa ki mar rep ha kane ka sngi bad ba ki nongdie bad nongshong basa ba ki dei ban pynkhuid lypa ïa ki dukan bad ban sei bad lum ïa ki niut ki nier shabar shwa ba kin khang ïa ki dukan jong ki ha ka janmiet 22tarik Lber.
Nalorkata, la kyntu ruh ïa ki trai kali ne ki nongnïah kali ba kim dei ban pynieng kali ha shi lynter ka surok khap Iewduh naduh Motphran, jaka ieng jeep haduh Iew Mawlong khnang ban lait na ka dheng kali ha katei ka sngi.
Katkum ka kyrwoh la ong ruh ba nalor ka jingpynkhuid kaba man ka sngi ïa ka Iewduh da ki nongtrei jong ka Hima, ka ju don ruh ka jingpynkhuid kaba kham kyrpang ïa kaba la ju leh lai sien man la ka snem bad ha kane ka kynti la jied ban pynkhuid ha ka 23tarik mynta u bnai
