Shillong, Lber 18: U Nongïalam ka BJP bad u Myntri ka sorkar jylla u Bah AL Hek ha ka sngi baar u la ong ba un bat ïa ka rai ka party ha kaba ïadei bad ka mat ban ïa bujli shuki myntri hapdeng ki arngut ki MLA ka BJP kata hapdeng jongu bad u bah Sanbor Shullai.
“Ïa kata ka jingjylli phi lah ban kylli na u state president ka BJP ym na nga. Ngan ym lah ban ïathuh shaphi kano kano ruh haba ïadei bad kane mat naba ka dei kaba hap shim rai da ka party,” ïathuh u Bah Hek sha ki lad pathai khubor.
Lah ban pynkynmaw ba ha ka samoi treikam kaba la dep ïa ka shuki myntri la ïasam hapdeng u Bah AL Hek bad u MLA ka South Shillong u Bah Sanbor Shullai.
