Shillong, Lber 13 : U Myntri Rangbah ka jylla u Conrad K Sangma ha ka sngi Palei u la ong ba ka jinglong jingman jong ka suk ka sain ha ka jylla baroh kawei ka don ka don ha ka jingshong suk shong shngaiñ.
Haba jubab halor ka jingshah thang kali dang shen ha Nongmensong, u Myntri Rangbah u la ong ba halor kane ka jingjia na ka liang ka sorkar kan sa peit bniah.
“Nalor kito ki jingjia, ka jinglong jingman ka long kaba shongsuk shongsaiñ. Kumta kam don ei ei ban khuslai katta katta,” u la ong da kaba kular ba ka sorkar kan bteng ban peitngor na ka bynta ban pyntikna ba ka jinglong jingman ha ka jylla kan don ha ka suk ka sain.
Lah ban kdew hangne ba ha ka step sngi Balang, kawei ka kali sorkar ka la shah thang ha ki runar ha ka jaka pynieng ha rud surok ha ki thain Nongmensong.
