Nongstoiñ, Lber 11: U Deputy Commissioner jong ka West Khasi Hills District, u la pyntip paitbah ba u Akshay Sati Colonel Director Recruiting Head Quarter Shillong, u khot online application ïa ki samla shynrang ki bym pat shong kurim kane ka thaiñ, ban ïoh rung kum ki Agniveer na ka bynta u snem 2025-26 kaba dei ka Scheme Agnipath.
Ka online application ka la sdang naduh ka taiew ba ar u Rymphang 2025. Kumta kino kino ki samla kiba thrang ban ïoh rung ha kane ka kam shipai, ki lah ban aplai noh kloi lyngba ka website www.joiñindianarmy.nic.in , u 24×7 helpline numbers jong u RO (HQ) Shillong 0364-2504177 bad rohshillong@gmail.com/ run.fun@nic.in.
Na ka bynta ki jingtip ba kham bniah, lah ban leit wad jingtip na ka ophis jong u Deputy Commissioner, Nongstoiñ.
